চাকমা ভাষায় কবিতা
ঢঙ্ ণ গালিচ্
রঙ্ দেগেনে ঢঙ্ ণ গালিচ্
দজামরা অবে
চোগ পিজিনে রিনি ন চেচ্
চুগরত জুনি দেবে।
রিনি চেলেই হি গরিবেদে
মরে দরাজ তুই
য়ে চাগালাত বেগে দরান
দাঙর চেলা মুই।
মানজো হিয়েত্ দাঙর হোলেচ্
ম' উগুরে নয়
জীংহানিয়েন টিগেদ রাগেম
লুরি পাত্তেই নয়।
ও মারে মা হি কদা কচ্চে!
হিয়ে ন গরচ্ তুই?
তরে এচ্চে মজা দেগেমছি
টুরি নবারিম মুই।
হি মগদা এব্বে হিয়ে ন গরর
এক্কা এজং তরে
ভালক্কন অল হেবার তগত্তে
ন' দরর হি মরে।
আয় সালেন মুজুঙত আয়
কন্না পারে বলে
তুই বেজছে না মুই বেজ্
জগা চাগি দোলজগা চাগি দোলে।
দাঙর হোলেই বল দেগত্তে
এবার হেনজান পেলে
পদ্ চুব ন'পেই আয়ি ইক্কে
দুমুরি দেই গেলে।
আলোকিত রাঙামাটি