রাঙামাটি । শুক্রবার, ২৯ মার্চ ২০২৪ , ১৪ চৈত্র ১৪৩০

পাভেল চাঙমা

প্রকাশিত: ১৫:৫৩, ২৭ ফেব্রুয়ারি ২০১৯

চাকমা ভাষায় কবিতা

জুম্মবী তরে ঈদোত উদে

জুম্মবী তরে ঈদোত উদে

জুম্মবী তরে ঈদোত উদে 
ফাওন জক্কে এজে 
ফাওন ফুলুন চুলত গজেলে
তরে ভারি সাঝে। 

দোল দোল ফুলর সমারে
মিজেয় ত' কিয়্যান
সে দোলর সমার বুদিনে মুই
ধুত্তুং ত' আহ্তান।

রাঙা পিনোন রাঙা হাদিয়ে
মানায় তরে দোল
সে সাঝনির চদক দেনেই
উদুং জানে মুই ওল।

হদক তল্লোই গব ছব দিঢং
রেবেক ফুল গাচ্চো তলে
আহ্ঝি আহ্ঝি চেই থেদে
মুই য়েক্কা রিনি চেলে। 

জক্কে বাজে ফাওন বুয়ের
কুচি তর চুলনত
সে চুলনি উরিনে বাজেগি
ম'সুচ্চুরাং কিয়েনত।

জক্কে ডগরন মিদে মিদে র'
কালা কালা হুগিলুন
সে সমারে সঙ্ বুদিনে গাচ্
লগে সমারী গীত্তুন।

আঝং আঝং নাজং নাজং
নিত্যে মনান তর
আবাদা গরি স্ববনে দেনেই
ঈদোত উদে মর।

ফাওন কালর সে অক্তয়ানি 
গচ্চ্যে কদক্ লুলঙ্
জক্কেনে এজে ফাওনর অক্ত
তরে ঈদোত তুলোং।

আলোকিত রাঙামাটি

জনপ্রিয়