চাকমা ভাষায় কবিতা-
কুদু লুগদি গেলে
ইরি দিবের দহ্ নচাঙ্ তরে
চিওং মুই জনমান
রাধামন ধনপুদির হোচপানা
হি এলহ্.. .?
সিত্তুন দহ্ বেচ্ হোচপিদুং মুই
তরে ভজমান!
পুননিমা রেদোর জুন পহরত
মোন ঘরহ্ ইজরত
পুরি থেদে তুই চুলান ইরিনে
এলামদি মহ্' করত।
ফাওনর মিদে বুয়েরত উড়িদো
তর লাম্বা চুলানি
দীগল মনে ভাঙ্যি কদে তুই
ত'হোচপানার কধানি।
তর সে হোচপানা হিরবে মনে
দেদুং মুই সুগর স্ববনে
জিওত হাদেবং ভালেদর সংসার
সুগে দুগে দি'জনে।
নেই ইক্কে তুই নেই আগে বানা
মর মিজে স্ববনান
ঈদোত উদিলে হোচপানা জাগে
বুজ্ ন'মানে মনান।
আঅ্ল পাঅ্ল ওই থায় মনান
ইক্কু তরে ন'দেলে
মিজে হোচপানা দিনে তুই ইক্কে
কুদু লুগদি গেলে।
আলোকিত রাঙামাটি